சென்னை: முதல்வர் மு.க.ஸ்டாலின் வீட்டுக்கு மீண்டும் வெடிகுண்டு மிரட்டல் விடுக்கப்பட்டுள்ளது. கடந்த சில நாட்களாகவே முதல்வர், துணை முதல்வர், எதிர்க்கட்சித் தலைவர், அமைச்சர்கள், ஆளுநர் மாளிகை, நடிகர், நடிகைகள், அரசியல் தலைவர்கள், வெளிநாட்டு தூதரகங்கள் உள்ளிட்ட பல்வேறு இடங்களுக்கு வெடிகுண்டு மிரட்டல் விடுக்கப்பட்டு வருகிறது.
அந்த வகையில் நேற்று முதல்வர் மு.க.ஸ்டாலின் வீட்டில் வெடிகுண்டு வைத்துள்ளதாக டிஜிபி அலுவலகத்துக்கு மீண்டும் இ-மெயில் வந்தது. உடனே டிஜிபி அலுவலக போலீஸார் உயர் அதிகாரிகளுக்கு தெரிவித்தனர். இதையடுத்து தேனாம்பேட்டை போலீஸார் வெடிகுண்டுகளை கண்டறிந்து அகற்றும் நிபுணர்கள், மோப்ப நாய்களுடன் ஆழ்வார்பேட்டையில் உள்ள முதல்வர் வீட்டுக்குச் சென்று சோதனை நடத்தினர்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/D3WUySR
0 Comments